მრავალფუნქციური კომპლექსი ,,კრუიზი” 2008 წლის ოქტომბერში დაარსდა. დაუღალავი შრომითა და თითოეული ადამიანისადმი განსაკუთრებული მიდგომის შედეგად კომპლექსმა ქართულ ბაზარზე თავი წარმატებით დაიმკვიდრა, და დღეისათვის ქალაქში ერთ-ერთ მნიშვნელოვან ობიექტს წარმოადგენს.
სასტუმრო კომპლექსი ,,კრუიზი” საქართველოს დედაქალაქ თბილისში მდებარეობს, ცენტრიდან 10 წუთის სავალზე. ეს გახლავთ გემის ფორმის ორიგინალური ნაგებობა, რომელიც მდინარე მტკვარს გადაჰყურებს. მისი დიზაინი სპეციალურად შეიქმნა, რათა სტუმრებს ზღვაზე ყოფნის არაჩვეულებრივი განწყობა დაუფლებოდათ.
მრავალფუნქციურ კომპლექსში განთავსებულია პრემიუმ-კლასის სასტუმრო, რესტორნის დიდი და პატარა დარბაზები, სამი სეზონური კაფე ტერასებზე და ლუდხანა ინდივიდუალური ოთახებით. გარდა ამისა, აქვეა უახლესი ტექნიკით აღჭურვილი საკონფერენციო დარბაზი, ოთახი შეხვედრებისთვის და გემბანი ღია სივრცეში სხვადასხვა ღონისძიებისთვის.
კომპლექსი ,,კრუიზი” არაჩვეულებრივი ადგილია ყველა ტიპის სტუმრისთვის. მისი მასშტაბები საშუალებას იძლევა მიიღოს როგორც ჩვენს ქვეყანაში სამუშაო ვიზიტით მყოფი საქმიანი ადამიანები, ასევე დასვენების მოყვარული ტურისტები, და თითოეულს მათზე მორგებული მომსახურების სრული პაკეტი შესთავაზოს.
მოხარულნი ვიქნებით, თუ არჩევანს ჩვენზე შეაჩერებთ. ,,კრუიზის” მთელი პერსონალი გულმოდგინედ იზრუნებს თქვენთვის მაქსიმალური კომფორტის შესაქმნელად. ჩვენი პრიორიტეტი თქვენთვის მისაღები გარემოს შექმნაა. სერვისი მუდმივად გაუმჯობესდება თქვენი სურვილისა და რჩევების მიხედვით, ხოლო ყოველი მომდევნო სტუმრობა გაცილებით მეტ სიამოვნებას მოგანიჭებთ.
,,კრუიზი“ ეს ის გარემოა, სადაც შეძლებთ დაისვენოთ, იმუშაოთ და გაერთოთ განსხვავებულად.
